「家人永遠是最強大的後盾，所以不要隨便向他們說狠話！」8句發人深省的心靈雞湯語錄，送給入睡前的你～

踏入社會已經好一陣子，你有認真檢閱過自己可有進步嗎？現實生活有時候係殘酷、係不公平，會令你變得沮喪、迷失、甚至忘記了初衷。愈生路上困難只會一個接一個，無論遇上咩難關，緊記以下8個暖心忠告，成就一個更完美嘅自己吧～

Photo from from Pinterest

1. 不要太依賴別人，你有義務決定自己的人生

無自信嘅女生，唔好依賴要由男生給予你自信；覺得日子又無聊又悶，都唔好依賴由其他人給予你快樂。好多事都應該由你自己去建立，締造一個屬於你嘅舒適生活，會令你擁有成熟了嘅自信獨立美。

Photo from from Pinterest

2. 問題不會因你逃避而自動消失，主動解決才是良方

只有弱者先會無時無刻都想逃避，但問題一日唔解決，都會因為日積月累而變複雜、嚴重，做個強者，動動腦筋將問題解決了，繼續前進吧！

Photo from from Pinterest

3. 忠言都是逆耳，要學懂聆聽別人真心的忠告

人愈大，愈有自己固定嘅一套思想，有時候真係好難接受人地嘅建議—如果你係咁諗，就要由今日起，改變自己對別人評價嘅態度。「忠言逆耳」大家都明白，但社會上更多人係「表裏不一」嘅奸詐小人，往往會用糖衣說話討好你，再狠狠耍你一轉嘅小人。身邊有幾個能夠跟你講真心話嘅人，無論係同事、朋友、家人也好，誠心聆聽佢地嘅忠告，會令你更上一層樓。

Photo from from Pinterest

4. 學懂收斂自己的脾氣，偶爾要刻意沉默，因為衝動會做下讓自己無法挽回的事情

發脾氣呢回事，唔再係「可愛」，請你都要學會收斂自己嘅脾氣。即使遇上唔公平，你覺得深深不忿，「沉默是金」或者係個唔錯嘅應對方法。永遠要記住，一刻衝動，會令自己犯下無法挽回嘅錯誤。

Photo from from Pinterest

5. 懂得為小事感恩，幸福非必然

如果你懂得為每日嘅生活感恩，覺得每天都係得來不易嘅禮物，恭喜你，一顆知足嘅心，會令你心靈上擁有真正嘅快樂。

Photo from from Pinterest

6. 愛別人的時候，請不要忘記愛自己

步入「輕熟女」嘅年紀，你要學識珍惜自己，努力令自己更好。答應自己，將自己交畀一個同樣識得珍惜你嘅人。當你遇見他，你會發現個場等待，係值得投資......到最後留唔住嘅，都唔可惜，最可惜係你忘記愛自己。

Photo from from Pinterest

7. 戀愛要深思熟慮，分手要斬釘截鐵

無論係愛情還是友情，「帶眼識人」都係非常重要。喺已成定局嘅感情事實面前，我哋必要時都要學會迅速放手。同樣，勿因為自己嘅魯莽，誤打誤撞進入愛情，都唔好因為反複猶豫攔下自己前進嘅腳步。

Photo from from Pinterest

8. 家人永遠是最強大的後盾，所以不要隨便向他們說狠話

家人雖然清楚你嘅脾氣，但無論事情幾壞都好，唔好因為一時意氣對佢哋講狠說話，有時你唔覺意嘅一句，或者對佢哋會造成好大傷害。而人與人嘅關係，從來都係一個循環，你如何對待人，那種氣焰都會導致其他人點點待你。

Photo from from Pinterest

Text：Girlslike Editorial

Photo source：Pinterest