港女韓國追星搭的士遇真愛!老公為了給離鄉背井的她更好生活,甘願打兩份工買下過千呎單位~

港女韓國追星搭的士遇真愛!老公為了給離鄉背井的她更好生活,甘願打兩份工買下過千呎單位~

Lifestyle
By Aisa on 15 Oct 2018

由陳貝兒(Janis)主持嘅TVB節目《嫁到這世界邊端2》,繼續由Janis帶大家去尋找韓國人妻,上星期講到一位叫Joan嘅女仔,去韓國追星搭的士竟然遇到真愛,Oppa為咗令佢婚後生活過得好啲仲不惜打兩份工,真係好似韓劇一樣咁浪漫~!

Photo from 《嫁到這世界邊端2》

原本對韓國文化一無所知嘅Joan,當年因為對《來自星星的你》男主角金秀賢著迷,而決定遠赴韓國追星~有一晚追完星之後,截的士返酒店就咁就遇到的士司機Tom,當時Tom因為知道joan係遊客,所以就比咗卡片對方,希望可以有多啲生意~

Photo from 《嫁到這世界邊端2》

當時37歲嘅Joan仲同跟Tom虛報自己係27歲,二人之後雖然分隔兩地,不過每日都會同對方互發短訊,傾傾下msg鐘意咗對方,開展一段異地戀~

Photo from 《嫁到這世界邊端2》

Janis係節目入面有問到Tom點解會鍾意joan,佢就話韓國嘅女仔好貪玩,鍾意夜蒲、食煙飲酒,而且佢唔鐘意好多韓國女仔整容,不過係Joan身上就睇唔到呢啲,Tom笑言Joan身材雖然唔好,不過佢天然嘅外表加上乖巧嘅性格深得Tom歡心!

Photo from 《嫁到這世界邊端2》

Joan同Tom拍拖一年之後,於2015年決定拉埋天窗,本來喺航空公司做文職嘅Joan嫁到韓國,同Tom展開新生活~而Tom以前係住喺無客廳嘅細單位,婚後為咗可以比Joan一個舒適嘅屋企,佢寧願辛苦啲打兩份工,佢做的士司機嘅同時仲兼任領隊帶團賺錢,後來喺首爾市郊買咗間過千呎嘅三房大單位,付令離鄉背井嘅老婆喺韓國可以過好嘅生活,令Joan相當感動~

Photo from 《嫁到這世界邊端2》

因為Joan嘅韓語能力有限,所以佢未能夠同奶奶更好地溝通,好多時候都係「雞同鴨講」,要Tom喺旁邊幫手翻譯。不過有趣嘅地方係,每次Joan同Tom嘈交,都會因為語言不通而好難落去,比咗一個雙方冷靜嘅機會。

Photo from 《嫁到這世界邊端2》

佢地約定每次吵架完之後都會拖對方嘅手以示和好,用身體語言去表達一切。不過Joan笑指,Tom試過喺嘈夜之後拖住佢嘅手,但因為佢仍然好嬲,所以甩開咗佢嘅手,好多人話韓國男人大男人,不過真愛面前,睇嚟大男人都會變成小男人呀~

Photo from 《嫁到這世界邊端2》

Text:Girlslike Editorial

Photo Source:《嫁到這世界邊端2》

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK