賴弘國寵嬌：每天讚老婆5次！阿嬌走出感情陰霾，幸福滿瀉。真愛就是看見你有顆單純心，再努力珍惜當下。

阿嬌日前同老公賴宏國完成註冊，筵開38席喜宴，阿嬌發表感言時感動到忍唔住眼濕濕，同老公賴宏國許下承諾大喊：「我們會狠狠的幸福！」兩個人不時喺ig上分享甜蜜日常，賴弘國更曾於節目中分享獨家「寵嬌秘訣」—每日讚老婆五次！阿嬌情路坎坷，曾經經歷不愉快事件後，如今能夠走出傷痛，由青春無敵女生蛻變成知性成熟有人寵愛嘅小女人，女生們，要相信自己值得被愛，等待美好的一天來臨吧～

Photo from q_gill @ ig

早前阿嬌同老公賴弘國鮮有地一齊上國內真人騷《爸媽學前班》，大談夫妻相處同育兒之道，當中賴弘國同阿嬌嘅相處，真的甜蜜滿瀉！

＃ 每天也會讚揚老婆五次！

賴弘國喺節目中講到，自己每日都會讚太太5次，「她的五官是數一數二精緻，眼神都是最清澈的。」所謂情人眼裡出西施，阿嬌無疑係個大美人，但男方能夠每日都將另一半嘅優點、吸引之處掛於口唇邊，時常提醒自己，對方有咩特別之處能夠令大家一直相愛，真係好幸福。歲月固然會流逝，人嘅記憶都會變得模糊，但情侶間只要有一顆心去保鮮，講緊嘅唔係無時無刻都製造驚喜，而係緊記大家因何而相戀，感情真的可以敵過無情歲月，歷久長新～

Photo from q_gill ＠ ig

相處耐了，有人都會覺得一切都係理所當然，但唔好忘記，其實一句說話，都有佢嘅重量，簡單如一句稱讚，相信唔會比你花時間諗買咩禮物哄對方更複雜。你還吝嗇甚麼？

Photo from q_gill ＠ ig

＃體諒要坐言起行，不是空口說白話

好多情侶都應該不唔陌生，當對方一開口講「我緊係體諒你」，但隨即就會一直講自己嘅睇法同感受，唔係責罵就係埋怨，這真是一種體諒嗎？

節目一開始，阿嬌同老公賴弘國到達居住嘅地方，阿嬌一臉鬱鬱寡歡，行李都係賴弘國一人扛上二樓，阿嬌就企喺一邊唔出聲。搬完行李，阿嬌仍然係悶悶不樂，賴弘國無多問，隨即就帶阿嬌到外面走走。鏡頭後，佢解釋自己明白老婆辛苦，因為上機前一直進行拍攝工作，兩個人馬不停蹄趕到英國繼續拍攝，話明真人show，根本係抖都無得抖，自己都攰到咩都唔想講，老婆如是。賴弘國話：「平日說體諒她工作辛苦，也只是說說而已。今天我都累壞了，我才知道她平日有多累！」

# 接受彼此的過去

賴弘國喺節目中講到：「畢竟她經歷了那麼多，我們是了解彼此的，她說我單純，一個似她單純的人竟反倒說別人單純，那是有多單純啊？」對方的過去，你未曾參與過，但作為男或女任何一方，都唔可能抹煞對方擁有過去，批判別人的以前，難道自己以前就係完美？將心比己，成熟嘅戀人於愛情上一定係著眼現在，過去—只係成就今天的大家的其中一個成長方塊，不論好醜，都無必要把它無限放大。

Text：GirlsLike Editorial

Photo Source：Instagram