女追男不一定隔層紗！羅敏莊當年倒追陳國邦，雙方從磨合中找到生命的小確幸，性格一凹一凸成就幸福家庭～

By Michelle on 28 Dec 2018

Digital Editor

有說「男追女，隔重山；女追男，隔層紗。」但現代愛情，唔再見得係女人追男人就得手應心。如果二人性格南轅北徹，唔打大交已經算係過得去，但要少拗交，同一屋簷下生兒育女，人前人後仲要恩愛無比？確實係有例子架，呢一對叫陳國邦同羅敏莊。

Photo from Mimi Lo @ fb

羅敏莊（Mimi）同陳國邦第一次合作係2002年拍攝劇集《雲海玉弓緣》，因為陳國邦演出專業、甚少NG、工作態度認真，引起Mimi注意。大家識咗唔夠一個月，Mimi已經主動出擊，其實當時陳國邦已經有女朋友，但性格不嬲直腸直肚嘅Mimi就一於少避忌，從來唔掩飾對心上人陳國邦嘅愛意。Mimi覺得啱傾就會發動攻勢，如果對方無反應，就知道唔想跟自己一齊。一個女仔做到咁出面，唔怕背上水性陽花之名，都會怕比人話姣婆，Mimi一一都無計較，佢反問：「有感覺，點解唔直接講？」

Photo from Mimi Lo @ fb

兩個人識咗一個月，Mimi主動同陳國邦講想照顧佢，於是二人順理成章同居。同居第七年，兩個人拉埋天窗，背後其實係Mimi「一手策劃」。有人話10對情侶，9對都會因為要準備婚禮搞到鬧交收場，Mimi同陳國邦就話你知佢哋係餘下個一對「和平談婚論嫁」嘅代表人物，有咩秘訣？全因為陳國邦全權比Mimi揸fit。又或者咁講，Mimi實在超大方，大方到自己買求婚戒指、自己訂酒席，一手包辦婚禮嘅事，都自得其樂無半句怨言，如此賢淑，有決策力、執行力嘅老婆，做老公又點會有嘢嘈？

Photo from from Weibo

女仔做慣主動一方，都唔代表唔洗男仔氹，偏偏性格寡言木獨嘅陳國邦就唔係好識氹老婆。平日電視機上講嘢正正經經嘅陳國邦，對住朋友、同事都係溫文爾雅嘅態度，但就好容易對住另一半發脾氣。陳國邦都曾經講過，自己包容力高，係工作上受委屈都可以調節到情緒；唯獨是對住女朋友，說話唔啱聽就好易躁底甚至爆炸。

Photo from from Weibo

試過一次兩個人炒大鑊，慣咗事無大小都會道歉嘅Mimi雖然已經即刻say咗sorry，但陳國邦脾氣話嚟就嚟，打爆咗屋企部電視。但講到底，大情大性嘅Mimi無放上心，更重要嘅係，愛情世界或者真係存在「一物治一物」。喺Mimi眼中，陳國邦優點遠比「脾氣大」呢個缺點多—深思熟慮、說話清晰、條理分明，因此Mimi坦言，以前拍拖唔會主動跟男朋友講對唔住，但對住陳國邦，就神奇地多咗份敬意同尊重。

Photo from Mimi Lo @ fb

事實上，陳國邦絕對唔係「事但男」，有說男人做大事，目光要放得遠大，佢執著嘅地方，就專注做人處事，演戲。連女友生日都會記錯嘅陳國邦亦好欣賞Mimi嘅大方同唔執著，「面對大家有意見唔同，佢唔會反駁我，會嘗試接受我意見；我出街咩都話無所謂，佢又會忍到願意去接受。」

Photo from mimilomanchong ＠ ig

有睇過Mimi的Instagram，就會發現入面有唔少老公陳國邦拍劇時認真嘅相，Mimi話過自己係老公的「超級粉絲」，喺Mimi眼中陳國邦就係充滿魅力嘅男人～

Photo from mimilomanchong ＠ ig

兩個人新婚無耐就表示無打算生bb，但後嚟「自打咀巴」，宜家一家三口樂也融融。有咗女女，對Mimi嚟講本來就係一個意外，由一開始唔情願變成覺得係一個小確幸，Mimi覺得女女嘅出世令自己對幸福有咗嶄新體會，呢一聲媽媽，令Mimi覺得無嘢比有完整屋企嘅感覺更幸福。

Photo from from Weibo

話爸爸係女女嘅上世情人真係無講錯～

Photo from from Weibo

對於Mimi曾經以第三者身份介入並主動追求自己，陳國邦都承認如果唔係Mimi追求自己，兩人不會行到結婚生育的一步；同樣，會唔會同本身個女朋友行到結尾，都無人會知。所謂良禽擇木而棲，陳國邦同Mimi都係好先生、好太太，兩公婆即使性格不同—上一動一靜、一開朗一沉實，但偏偏就係有一種引力，令兩個人行埋一齊，互相吸引互相照顧，不就是愛情的縮影、建立家庭的理想條件嗎？羅敏莊話畀我哋知，愛情係要自己爭取！