內臟下垂可致大肚腩！教你一組伸展操有助重整內臟，每晚做踢走肚腩話咁易～！

城市人生活忙碌，成日會出現腰酸背痛、便秘等問題。而出現女性身上最常見就係經痛等病痛，更唔係食藥就可以根治到，但以上種種毛病原來都有機會係因為內臟下垂而引起嘅，今次小編就推介大家一個伸展操，非常簡單就可以重整內臟，仲可能會改善到各種身體問題，大家不妨跟住做啦！

內臟其實係由肌肉固定，所以一旦肌肉無力，或者無辦法支撐內臟嘅時候，就會出現內臟下垂嘅情況。內臟功能仲會隨住下垂情況而衰退，如果女性子宮脫垂嘅話，就會好易出現疲憊感或者腰酸背痛，嚴重仲有可能壓迫到膀胱，導致失禁！

而今次小編推介大家嘅伸展操，除咗可以加強肌肉以支撐內臟，保持內臟功能唔衰退，更重要係可以令腸胃消化、吸收功能恢復正常，避免脂肪過份吸收以及積聚而形成小腹，讓小蠻腰重現～

1. 先雙手手掌撐地、雙膝跪地做好預備動作，然後雙手保持住，抬高臀部，將成個腳掌住地，背部同埋雙腳要盡量伸直，大概維持 5- 10 秒。

2. 之後右腳向前邁，後腳腳指朝左支撐住成個身體，然後雙手舉高，再合十放到胸前。

3. 接住將啱啱合十放喺胸前嘅雙手拖到身體右側，同時帶動埋腰部向右邊扭，同時下半身動作不變，後腳依舊保持伸直，成個動作同樣維持約 5- 10 秒。

4. 最後換邊做伸展，步驟與上述一樣。重複第一個動作，雙手掌撐地，抬高臀部、到左腳邁腿、雙手合十帶動腰部扭向左。只要每一天進行左右兩邊的一個循環即可有效強化肌肉，避免內臟下垂！

完整影片：

https://youtu.be/X2D6ksnQQ8Q

Text：Girlslike Editorial

Photo Source：Pinterest, YouTube