門牙形狀窺深潛在性格！研究：正方形牙有野心，交際王；長方形牙想像力豐富，脾氣較暴躁～

一個小小嘅觀察，或者可以窺深一下你自己同身邊人嘅潛在性格！以下就有一個「門牙研究」，你只需要拎住鏡，觀察一下自己牙齒，根據牙齒形狀睇下自己屬於咩人格吧～

＃1 正方形牙齒

做事有條理，井井有條，分析力強，重於理性多於感情，唔會輕易同人哋有拗叫～另外，方形牙齒嘅人大多數有野心，對創業好有興趣，而且且交際能力唔錯。但呢類人就會傾向有私人時間獨處，令自己可以有空間考問題，呢個時候絕對唔鍾意被人騷擾～如果你留意到另一半係方形牙齒，或者喺佢有煩惱時，唔好不停追問佢，而係佢需要你嘅時候，你先話佢知你會一直支持佢，總好過你不停纏住佢，令佢百上加斤～

Photo from jacquelinebwong ＠ ig

＃2 長方形牙齒

長方形牙齒嘅人，天生就擁有領導者性格，除咗擅長策劃事情外，亦善於交際，想像力豐富，有好多獨特嘅見解同諗法，跟佢哋傾計會有好多得著同樂趣～不過，長方形牙齒嘅人脾氣比較暴躁，一「著火」，就變得

控制慾強，唔服從人～

Photo from natalietong53 ＠ ig

＃3 橢圓形牙齒

橢圓形門牙嘅人可以話係一個徹頭徹尾嘅「文青」，擁有強烈嘅藝術觸感，因此打扮上都別樹一格，唔喜歡隨波逐流～此外，佢哋比較細膽，容易怕醜，而且對身邊事物都好敏感，特別在意其他人對自己嘅評價呢～！

Photo from choisaaaa @ ig

＃4 三角形牙齒

三角形牙齒嘅人屬於好有活力嘅人，既陽光又親切，非常貪玩，24小時都好鍾意講嘢。就算對住陌生人，都會講到無停口，唔喜歡受到束約嘅人格，總括嚟講，就係一個快樂，思想正面的人！

Photo from wong_manman ＠ ig

Text：GirlsLike Editorial

Photo Source：Instagram