Beauty

懶人恩物!韓國Daiso爆紅自動洗化妝掃機~約HK$25就能把掃洗得乾淨,可愛得韓妹都要瘋搶一部!

14/03/2019

韓國Daiso一直都好受當地人歡迎~因為佢地經常出一啲高CP值商品,從生活用品、文具、化妝用品等等包羅萬有~幾乎每次入去都可以尋到寶!而佢今次亦都不負眾望,推出左一個超適合我地呢啲又懶又貪靚嘅女仔,佢就係「自動洗化妝掃機」~!但咪住先,點解佢個樣咁似比細路玩嘅玩具嘅?係咪真係work㗎?

 

www.dispatch.co.kr

冇錯,呢部其實真係一個比細路玩嘅玩具,有創意無限嘅韓國網民忽發奇想,竟然諗到用佢嚟洗化妝掃!平時啲化妝掃唔用到佢就嚟爛都唔會攞去洗,況且呢部機只係賣3000韓圜(約$25港幣),試下無壞嘅~有韓國網民將清洗過程放左上網,令呢部機一夜間爆紅~~!

www.dispatch.co.kr

有網民分享其實呢部機唔單止得Daiso有得賣,係其他百元商店都會搵到佢嘅蹤影~佢嘅結構亦都跟足真嘅洗衣機一樣,除左裡面識轉動外,仲要有排水喉~!小編覺得呢部分超萌超可愛的~(心心眼)

www.dispatch.co.kr

清洗工具亦都好簡單,需要電池、污糟嘅化妝掃、洗掃液就OK~(聽講Daiso賣嘅洗掃液都好好用~)

www.dispatch.co.kr

療癒嘅影片嚟啦~只要按下開關佢就會開始轉動,超可愛的有沒有~!化妝掃同摩打不斷磨擦,洗掃水慢慢變污濁,感覺清潔力不錯啊~

而且神奇嘅係轉咗咁耐洗掃水都冇噴出嚟,化妝掃都無跌出嚟~!雖然一直望住都好擔心~

 

www.dispatch.co.kr

終於洗完啦~唔可以講比人手洗更乾淨,但感覺真係有乾淨到啦~

www.dispatch.co.kr

最後仲可以經排水喉排走污水,雖然排得超慢(笑)但小編表示最鍾意呢part(心心眼)

www.dispatch.co.kr

 

呢個玩具洗衣機嘅第二用途真係比想像中實用呢~去韓國嘅朋友都不妨買嚟試下~

 

Text:TopBeauty Editorial

Photo source:www.dispatch.co.kr