平反!家姐都要妳嘅珍惜 研究: 家姐會令妳成為更好嘅自己～

家姐都要妳嘅珍惜！上次一出咗細妹對整個家庭帶來正面影響之後，大部分家姐們都收到細妹愛意濃濃想家姐珍惜自己嘅訊息，但亦都有家姐問到難道我就對家庭無咩正面影響？今日就同家姐們來個大平反，原來有家姐嘅存在，細妹先會成為一個更好嘅自己。作為細妹嘅妳記住一定要好好珍惜家姐啦！

1.因為有家姐，妳先有同情心

美國Brigham Young University做咗個研究，訪問咗395個家庭，發現家姐扮演著一個提升細妹心理健康嘅角色。喺家姐向細妹展現愛嘅時候，會為細妹嘅社交行為帶來正面影響，例如同情心。就算有再強大嘅親子關係，都比唔上家姐帶來嘅好社交行為影響。

Photo from ig@vvyeo

Photo from ig@misselvani

2.因為有家姐同妳嘅恐怖互動，先可以強化妳嘅人際技能

《手足效應》作者Jeffrey Kluger指出，家姐平時同妳嘅恐怖互動，會令妳學會如何處理激烈爭吵，或者平熄大家怒氣沖沖嘅情緒～假如妳係一個缺乏安全感或需要家姐指引嘅細妹，家姐嘅榜樣可以令妳有效化強人際技能。

Photo from ig@scarlett328

Photo from ig@jenniferyuuu

3.因為有家姐，妳先會搵到生活平衡點

有英國心理學家分享有家姐嘅家庭相比無家姐嘅家庭喺處理人生難題時所得到嘅壓力係相對地少，因為家姐嘅存在令細妹搵到生活平衡點，所以身為細妹嘅妳係會比較快樂同樂觀。

Photo from ig@rosannewong

Photo from ig@jacquelinchng

4.因為有家姐，妳先會有大志同更獨立

奧斯特大學Tony Cassidy研究者話家姐可以影響家庭成員嘅狀況，家姐可以引發細佬妹朝著內心所渴望嘅目標進發，除咗可以鼓勵細妹達成目標，更可以令細妹更獨立～

Photo from ig@nk830

Photo from ig@cassandretong