才女吐氣揚眉！陳法拉進軍美劇界，與妮歌潔曼、曉格蘭合作拍劇，自強不息幹出驕人成就！

陳法拉自從2013年宣佈離開TVB之後，就去到美國紐約Juilliard School深造，攻讀戲劇碩士課程。法拉最後更成為該校學科首位華人畢業生，仲係以優異成績畢業，真正嘅美貌與智慧並重！日前就確實法拉會正式進軍國際，同金像影后妮歌潔曼（Nicole Kidman）同英國男星曉格蘭特（Hugh Grant）合作，為收費串流平台HBO演出改編自小說嘅全新短劇《The Undoing》！

舊年法拉唔單止以全A優異成績畢業，學期間佢仲利用課餘時間親自寫下劇本，化身成衣衫襤褸嘅露宿者自編自導自演拍攝短片《人來人往》，更成為「辛丹斯電影節：香港短片比賽」9部得獎短片之一～

Photo from falachenfala ＠ ig

法拉不斷努力，最後更進軍國際拍劇～琴日佢上載咗一張外國街頭的照片，留言話：「first day went well（第一日非常順利。仲英文＃hastag 咗「演員生活」、「拍攝現場」、「寒冷」等字眼，更上載一幅寫有英文名「fala」嘅飯盒，似乎法拉喺片場正在為新劇努力呢！

Photo from falachenfala ＠ ig

Photo from falachenfala ＠ ig

網路電影資料庫（IMDb）顯示，HBO新劇《The Undoing》係有6集嘅迷你劇，而飾演Jolene嘅法拉會參與4集演出。

該劇改編自Jean Hanff Korelitz小說《You Should Have Known》，講述由妮歌潔曼飾演嘅治療師Grace Sachs，跟曉格蘭特飾演嘅Jonathan Sachs係一對夫妻並育有一子，生活本來幸福美滿，但有日老公突然失蹤，更發生一連串不幸事件，女主角因此發現老公背住佢暗藏秘密，而奇案亦隨之展開。相信有慶同荷理活級影后合作，對法拉嚟講既開心又係一個好好嘅學習機會！

Photo from from Pinterest

37歲嘅法拉2005年奪得國際華裔小姐亞軍而入行，跟Neway大少薜世恆嘅感情事一直低調處理，由秘婚到離婚，法拉都好少公開交待感情生活。

Photo from falachenfala ＠ ig

2014年法拉跟薜世恆離婚後，毅然退出香港娛樂圈到紐約讀書。佢曾經講過，要放棄香港事業去讀書進修，心情相當忐忑，但佢所報讀嘅學府每年有幾千人投考，但只收5男、5女學生，所以法拉決心去闖一番成就～

Photo from falachenfala ＠ ig

法拉唔單止有美貌，今日嘅佢更係滿肚墨水同被肯定嘅才華，吐氣揚眉，成為一個真真正正嘅成功女性！

Text：TopBeauty Editorial

Photo Source：Pinterest，instagram