女人的身分就是美~高價值女人的5大守則「你應剛強,但也別忘了柔弱~」

女人的身分就是美~高價值女人的5大守則「你應剛強,但也別忘了柔弱~」

Lifestyle Relationship
By Michelle on 15 Mar 2019
Digital Editor

由細到大,女生就係睇住童話故事長大,愛情片令我哋心跳加速、痛哭流涕,我哋相信總有一日會搵到對的人,相信每段感情只要有恆心,都可以開花結果...偏偏,現實世界令我哋一次又一次傷心、失望。我哋慢慢從童話故事中清醒過來。雖然現實世界有時殘酷得令人窒息,但只要你願意從失敗中學習,你也可以由醜小鴨蛻變成惹人羨慕嘅天鵝~記住以下6個成為高價值女人嘅守則,將女人由內而外嘅美麗演繹得淋漓盡致吧~

Photo from heungheungeliza @ ig

#1 搵到自己價值,同時學會謙卑

成為有價值嘅人,第一步必須先搵到自己價值。或許你仍是單身貴族,身邊少咗一個少少稱讚你嘅伴侶,但都唔好因為單身令你欠缺自信~好好發掘自己嘅長處吧!個性獨立有審美觀、細心、有審美觀、鍾意睇電......不論係性格上定係技能上也好,統統都係組成一個「有價值」嘅你!

Photo from ghlchan @ ig

另外要注意,女生唔好過份誇耀自我價值,唔好為咗想心儀對象呷醋,就誇大自己一星期有幾多個約會,最近有幾多個人想追等等。高價值女生,係令男生有興趣了解你嘅感情狀況,令自己生活充滿驚奇,令佢自然感到驚喜吧!

#2 擁有自己嘅生活

跟上個觀點一樣,令自己嘅生活充滿驚奇,無人會鐘意悶蛋同一成不變嘅人。喺工作之餘,可以係學煮幾道新菜式,自己規劃一段旅行...先充實自己嘅生活同內心,你先有能力去愛人,而唔係渴求其他人拯救你,調劑你嘅生活。

Photo from ghlchan @ ig

#3 保持神秘感

有啲女生有心儀對象,總係忍唔住向對方「報到」,急住分享生活大小事。但如果呢段仲未係一段確定嘅戀愛關係,就會好快令人失去新鮮感。比如你聽日有約會,你可以唔需要講係同好姊妹shopping day,亦唔需要「充大頭鬼」話係同其他男性出去,保留自己嘅私人空間,令佢有興趣去了解你吧!

Photo from ghlchan @ ig

#4 你應剛強,但也別忘了柔弱

要成為高價值女生,就要謹記自己相信嘅價值。時而剛強獨立嘅能力,時而向佢展現脆弱嘅一面,令自己性格滿層次,唔係365日都固執,亦唔係永遠嘅柔弱。堅持自己立場同做一個可愛溫馴嘅小女人,令對方徹底崇拜你吧!

Photo from misselvani @ ig

小機心係:有時不妨對佢嘅睇法say no(當然要講出你嘅觀點)咁做反而會吸引佢嘅注意力~佢會發現你跟其他人有不同之處,進而有更多話題可以討論~

Photo from wongtsuiyu @ ig

#5 培養出高雅氣質,偶爾頑皮一下

美貌會令男人向你行「注目禮」;優雅氣質會令男人為你傾倒~保持自己高雅氣質非常重要,無論係職場上、定係見家長時, 氣質都係好感度嘅第一條件要件。但喺「二人世界」時,記得釋放自己嘅幽默感 ,令自己個性收放自如,新鮮感—佢永遠唔會嫌多~

Photo from missjni @ ig

Text:TopBeauty Editorial

Photo Source:instagram

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK