護膚品不是塗得愈多愈好！5款不能一起使用的護膚品，錯誤混合使用隨時導致爛臉！～

相信各位貪靚嘅女士對護膚品嘅投資一定唔會手軟，屋企堆滿一大堆護膚品，有抗皺，有美白，有去斑，每晚一定要塗個五、六、七層先肯去睡個美容覺。好多女仔以為將所有功能嘅護膚品揸晒落塊面度，第二朝就會年輕十歲～但其實有啲護膚品嘅成分唔適合一齊使用，輕則功效上互相抵觸，嚴重起嚟更有可能導致爛臉！

Photo from Pinterest

Photo from Pinterest

#1 酸性＋酸性

常見嘅酸性護膚品有杏仁酸、水楊酸等～酸性產品通常都有換膚功效，但過度使用酸性產品會令肌膚天然屏障受損，可能會導致敏感、乾燥、甩皮、紅腫等問題！記得唔好亂咁重覆使用啦！

Photo from Pinterest

#2 菸鹼胺(niacinamide)＋維他命C

菸鹼胺(niacinamide)即係好多人都認識嘅維他命B3，它對於修復肌膚有極大幫助，尤其係改善毛孔粗大及細紋等問題，有唔少牌子都推出含有維他命B3成份嘅精華，但使用時請注意唔好同維他命C一齊用！兩者功效除左會互相抵觸外，亦都有可能引起過敏情況，甚至令你嘅肌膚愈用愈薄！

Photo from Pinterest

#3 維他命A醇(Retinol)＋酸性

維他命A醇屬於抗老產品，可以淡化肌膚紋路、延緩肌膚老化，但佢嘅PH值偏酸，如果同其他酸性產品一齊使用功效會互相抵觸，更有可能破壞肌膚嘅酸鹼平衡，皮膚會容易變得乾燥失去彈性！

Photo from Pinterest

#4 酒精+蛋白質

好多化妝水都會添加酒精，令水份容易蒸發，造成容易吸收嘅假象！酒精會將蛋白質嘅營養成分分解，會使蛋白質失去功效同埋活性~多貴嘅護膚品都會立即廢掉啦！～

Photo from Pinterest

#5 去角質+磨砂

有好多女仔一係唔護膚，一係就一下子做晒全部！唔好以為做完去角質再做磨砂就可以徹底深層清潔皮膚，過分清潔可以會損害皮膚表層，深層清潔建議一星期做一至兩次即可，而且清潔後記得要加強保濕啊！

Photo from Pinterest

投資護膚品已經不便宜了～如果錯誤混合使用令功效盡失真係血都嘔埋！各位姊妹記得使用之前要停一停，想一想啊！～

Photo from Pinterest

Text：TopBeauty Editorial

Photo Source：Pinterest