小不點容易燥底！生得矮心靈更脆弱、易有暴力傾向！原來身高會直接影響性格～

By Michelle on 18 Mar 2019

Digital Editor

每個女生即使平日唔多著高跟鞋，去到重要關頭、重要場口，忍住皮開肉爛之苦都要有咁高著咁高，目的就係想喺人群人更突出～有研究顯示，身高會直接影響性格，「小不點」會容易因為自卑而產生憤怒情緒同有暴力傾向～身邊有無「小不點」朋友容易燥底？崩口人忌崩口碗，記得唔好成日取笑佢身高喇，唔係嘅話隨時令佢哋大發雷霆，到時就後果自負了～

Photo from judy.kwong @ ig

佐治亞州亞特蘭大疾病控制中心就男性對自我形象與吸毒、與暴力與犯罪有關行為嘅關係研究，發現如男人認為自己唔夠man，會特別容易犯下暴力同犯罪行為，使用武器進行暴力攻擊可能性更比一般人超出三倍！（豈不是要小心矮仔多情？！）

Photo from judy.kwong @ ig

另外，喺一項精神病學研究中就身高同性格之間關係研究中，發現矮人比高人性格上有差異，包括係更加多疑，同容易有脆弱感。研究人員就60名曾經患有偏執症嘅女性進行實驗，過程係先安排佢哋登上地鐵車廂，以VR技術佩戴虛擬現實耳機，進行「虛擬旅行」。每位女性都會喺車廂經歷兩段相同嘅旅行，而研究者就會喺其中一段旅行中，將佢哋嘅視線下調25cm，令佢哋覺得自己比其他乘客矮小。