有勇氣跳出舒適圈就有新機會！陳法拉放棄安逸生活，離鄉別井追夢，成功開拓傳奇人生！

放棄做TVB當紅花旦，去到陌生地方，回歸樸實做學生，人生突然上演一場「斬掉重練」嘅戲碼。對於陳法拉嚟講係一場有冒險嘅賭博—失去原有嘅知名度、收入大大減少，所有事情唔再十拿九穩......由昔日TVB女神級花旦，到今日荷里活新晉華人演員，法拉視「賭博」為新機會，加上後天101分努力，以實力去「賭」出一片天，離婚後極速重新震作，放棄當下安逸生活，到地球另一端成功開拓傳奇人生！

Photo from falachenfala @ ig

闊別TVB 4年，過去呢段日子，法拉一直於美國紐約Juilliard School深造，攻讀戲劇碩士課程。最後更成為該校學科首位華人畢業生，以全A優異成績畢業。法拉曾經接受訪問，表示自己一直有就唔同電影進行試鏡，過程就好似「打機過關」一樣—過5關斬6將，又指自己試過連合約內容都傾埋，但對方最後仍係無回音，難免會令人感到失望，但法拉一直以不亢不卑態度去看等每個挑戰，呢一份不好逸惡勞嘅精神實在令人佩服。

Photo from falachenfala @ ig

如今佢已經打入外國市場，為HBO拍攝新劇《The Undoing》，拍檔位位星光熠熠。常說「人生如戲、戲如人生」其實一啲都無錯，大概4年前佢都無諗過會同國際巨星同框演出吧～

Photo from from Pinterest

法拉05年憑奪得華裔小姐亞軍而入行，曾與Neway太子爺薛世恆有過一段短暫嘅婚姻，前夫坐擁十億家產，法拉可以話係不愁生活，大可以連電視劇都唔拍，一心一意做個生活無憂嘅名媛。兩夫婦後來因為未能為家庭同演藝事業中達成共識，而法拉最後選擇忠於自己，放棄安逸嘅物質生活，一個女生離鄉別井到美國追夢。

Photo from falachenfala @ ig

一切於香港所建立嘅事業，一時間要完全放手，要揹上香港觀眾會慢慢淡忘自己，人氣大不如前嘅代價，為嘅只係一個追夢嘅機會，然而成功與否，當時無人會預計得到。

Photo from falachenfala @ ig

離婚後，薛世恆表示同法拉仍係好朋友，而法拉亦專注於演藝事業，鮮有傳出緋聞。身分回歸學生，喺異地為夢想打拼，法拉後來遇到現任法藉男朋友Emmanuel Straschnov。

Photo from Emmanuel Straschnov @ fb

Emmanuel Straschnov畢業於哈佛大學，曾擔任法國駐日本外交官，分析中國及日本金融行情、更做過Prada美國CEO特別助理，完全稱得上係才華橫溢。

Photo from Emmanuel Straschnov @ fb

法拉曾經講過，跟男朋友傾得埋，總有無盡話題，而自己能夠順利畢業，都歸功男朋友在旁一直支持同扶持佢，令佢追夢過程中並不至於弧軍作戰。講到最後，法拉更為男朋友打強心針，明言Emmanuel Straschnov就係Mr. Right。

Photo from falachenfala @ ig

如今嘅陳法拉已經唔再停留於美貌與智慧並重嘅層次，更係一個獨立、有勇氣放手一搏嘅女生，佢願意放棄喺香港一直被肯定嘅才華，去成就一個更完美嘅自己。法拉話畀大家知，若要開拓傳奇人生，就不要把手中已擁有嘅東西握得太緊，放開手，你可能擁有更多。

Text：TopBeauty Editorial

Photo Source：instagram，facebook