林依晨破尺度罕有小性感！度假曬比堅尼照～零贅肉好身材靠3招！

出道左15年，現年36歲嘅林依晨一向都係個不老傳說～由《惡作劇之吻》嘅清純派去到《我可能不會愛你》嘅熟女派，無論臉蛋身材都keep得愈嚟愈有女人味～！依晨早前就透露今年會停工一年，同老公積極做人～日前就係網上分享海邊度假相，一向保守嘅依晨仲首度曬出比堅尼照，露出性感小蠻腰，一眾網民表示「太辣太難得了～！」

Photo from weibo @ 林依晨Ariel

依晨雖然冇透露去邊度旅行，但從水清沙幼嘅環境估計應該係東南亞地區～見到依晨著住露肩短裙、戴住太陽眼鏡鏡開心食雪糕，同美食合照露出超甜美笑容，完全是一個18歲少女無誤！

Photo from weibo @ 林依晨Ariel

Photo from weibo @ 林依晨Ariel

平時密實嘅依晨仲罕有曬比堅尼照，露出性感小蠻腰！背面睇見到佢一啲肥肉都冇，身材超均勻～！更有網友稱「好難得的比基尼」、「依晨背影都那麼可愛」～

Photo from ig @ linyichen.ariellin

去旅行都不忘閱讀的依晨～

Photo from ig @ linyichen.ariellin

Photo from ig @ linyichen.ariellin

依晨貌似是和家人及老公去度假～依晨忙咗咁耐終於有時間真正抖返下～

Photo from ig @ linyichen.ariellin

大家應該仲記得當年《惡作劇之吻》中嘅依晨仲係有啲baby fat～手臂同腰身都有啲肉地，後來透過控制飲食同運動激減14kg，從此就同肥胖講byebye～不過原來依晨減肥之路一啲都唔順利，佢試過好多唔健康嘅減肥法，例如一日只食一餐、只食沙律同水果，雖然好快見效但身體一啲都唔健康，更稱當年減肥減到「快得憂鬱症」。

Photo from Pinterest

試過唔同減肥方法後，依晨終於搵到最適合自己嘅方法，並且練成「不復胖體質」～

#1 在對的時間吃對的東西

依晨係飲食上真係花左唔少功夫～佢唔單止會計算各種食物嘅卡路里同營養，仲好講究進食嘅時間，例如沙律、水果雖然健康，但依晨會避免係早上，或夜晚腸胃準備休息嘅時候進食生冷食物，通常中午時間先會進食蔬菜類

Photo from ig @ linyichen.ariellin

#2 晚上戒食碳水化合物和菜葉

好多人都講過減肥係唔可以完全唔食碳水化合物，依晨夜晚會完全戒掉碳水化合物，而蔬菜都只會食根莖類蔬菜，即使食菜都只會食梗唔食葉，依晨解釋：「葉子類偏寒，晚上吃容易阻礙循環，對減肥有害無利。」

Photo from ig @ linyichen.ariellin

#3 蘋果醋減肥法

果醋減肥法曾經風靡歐美地區，後來日本台灣都好流行，依晨都有飲開蘋果醋幫助減肥。果醋入面嘅酵素可以幫助排便，加速脂肪代謝，製作蘋果醋方法亦好簡單～

Photo from Pinterest

蘋果醋做法：
材料：蘋果1斤、檸檬4片、飲用水3公升、冰糖300克、大玻璃瓶1個，攪拌棒1枝。
1.將大玻璃瓶和蘋果、檸檬洗乾淨，拭乾水分。
2.去掉蘋果和檸檬的核，將它們切成片，愈薄愈好。
3.將蘋果片、冰糖、檸檬一層一層堆疊好，最後倒入米醋，密封瓶口放置陰涼處，約30天後就可以飲用了

果醋減肥法效果因人而異，如果腸胃有不適就唔應該飲用啦～依晨除左注意飲食仲會做運動，例如瑜珈等等，令自己健康地瘦～！只能說婚後嘅依晨雖然瘦，但氣息真係好好，希望依晨可以趕快成為一個漂亮媽媽啦～！

Photo from weibo @ 林依晨Ariel

Photo from weibo @ 林依晨Ariel

Text：TopBeauty Editorial

Photo source：Weibo、Instagram、Pinterest