以性格改變命運!渡邊直美:世上比堅持更重要的是自信!自信美霸氣回應,化解了品牌活動尷尬場面!

以性格改變命運!渡邊直美:世上比堅持更重要的是自信!自信美霸氣回應,化解了品牌活動尷尬場面!

Lifestyle Hot Topics Self
By Maggie on 25 Mar 2019
Digital Editor

渡邊直美係近依10年嘅一個傳奇,打破世人對身型要求嘅枷鎖,以最真實不做作嘅自己呈現喺觀眾面前,成為當今紅遍中、日、台藝人。作為一個220磅嘅藝人,再受歡迎有時都會因身型問題而被網民批評,渡邊直美通通以霸氣回應,不但博到更多人掌聲,更因此化解了不少尷尬情況。

 

喺現實生活,肥胖嘅人通常都會面對到社會唔同批評而變得毫無自信,相反渡邊直美勇於喺台上表現自己,但原來喺仲未成為藝人之前,佢係個缺乏存在感嘅人。小時候,渡邊直美因長相平庸,加上日台灣混血嘅緣故,最初未能講得一口流利日語而性格變得內向,直至一次喺電視上見到搞笑藝人只要講一句說話就令到身邊嘅人棒腹大笑,於是立志要成為有存在感嘅藝人,以性格改變命運!

Photo from pinterest

Photo from pinterest

 

渡邊直美一心要成為藝人而放棄學業,輟學後白天打工,晚上走不同嘅綜藝選秀活動,希望有一天可以出人頭地,成為藝人。最終佢以模仿Beyoncé於台上載歌載舞而一炮而紅。渡邊直美:「依個世上比堅持更重要嘅係自信!」,就係靠著依份自信,佢先可以喺台上收放自如,令大家都愛上。

Photo from pinterest

Photo from ig@watanabenaomi703

 

記得有一次,渡邊直美以一身 Gucci造型出席該品牌位於東京青山分店嘅開幕活動。可惜品牌官方網站一發怖渡邊直美當日嘅活動照時,卻被大量外國網友惡意批評~面對依個尷尬情況,渡邊直美有自己一套解決辦法。

Photo from ig@gucci

Photo from pinterest

於是渡邊直美喺自己Instagram上發怖當日活動照再配上霸氣caption: 「我以為依家已經係一個甚麼體型都可以享受時尚嘅美好時代,但無諗過我嘅相會喺品牌官網引爆世界級罵戰,大家都因為我嘅魅力感到驚訝?但我只出咗2%功力就已經迷倒咁多人,日後會有更多機會可以感受到我嘅魅力哦!」

Photo from ig@watanabenaomi703

Photo from ig@watanabenaomi703

 

此話一出,為本來充滿尷尬氣氛嘅局面一下子化解!一改本來喺品牌官網嘅留言風向,現以正評為最多~同時又被網友讚佢EQ高,更多咗人因此成為佢粉絲。

Photo from pinterest

Photo from ig@watanabenaomi703

 

可能大家始終跳唔出社會對身型要求嘅框框先會對渡邊直美仍有批評~渡邊直美喺開設自己嘅時裝品牌時講到目的係要以自身嘅力量去衝撞世人對於瘦先係靚嘅狹隘想像:「脂肪均勻佈滿全身,身體先會閃亮亮~」的確渡邊直美有依家嘅成就歸功於佢嘅自信!

 

Photo from pinterest

Photo from pinterest

 

 

 

【看更多OL專屬最新美容時尚資訊】

👉🏻 立即Follow Instagram topbeautyhk

🔔 訂閱我們的 Youtube 頻道 TopBeauty HK