「不停討好身邊嘅人，只會令自己嘅善良被人利用」Taylor Swift邁向30歲嘅堅強領悟～女人堅強一點畢身受用！

隨著年紀長大，人生所領悟到嘅道理就越來越多。妳會發現如今自己再唔係以前嘅細路，思想都開始變得成熟，仲會根據過往嘅人生經驗希望自己成為一個面面俱圓嘅人。女人踏入30歲更可以話係人生關鍵時刻，會變得對自己更嚴謹，唔再希望自己做一個如何嘅人，而係一定要成為心目中嘅自己。美國小天后Taylor Swift邁向30歲，打混咗13年嘅娛樂圈帶俾佢嘅磨練同領悟都比一般人多，作為聰明嘅女人，不妨從中作參考，話唔定有新嘅領悟！

1.「別人害你嘅時候，要學會好似蛇一樣反擊，不過只限被人傷害時」

有時真心對人好，人地都未必會願意同妳交心。所以Taylor認為唔需要不停討好身邊嘅人，這樣做只會令自己嘅善良被人利用。當被別人傷害時，亦要好似蛇一樣快馬上反擊先可以保護自己， 當然只限被人傷害時～

Photo from ig@taylorswift

Photo from ig@taylorswift

2.「真正愛妳嘅人會希望知道你嘅感受，不論愛意定歉意都要坦白講出來」

不論愛情定友情，有愛意都要坦白講出來，從來都無人係識得讀心術～口直心快傷害到別人時，更要馬上道歉，唔好搵藉口俾自己而失去一個道歉嘅機會。

Photo from ig@taylorswift

Photo from ig@taylorswift

3.「唔需要網上社交平台去撫摸自己嘅自尊」

曾經有段時間Taylor好在意網絡世界對佢嘅評論。只要喺instagram發佈相片後，Taylor每分每秒都好留意網友嘅留言。沉迷過後，Taylor覺得自己太過依賴網友嘅讚美而生活，所以依家就算再發佈相片都已經關掉網友評論功能～

Photo from ig@taylorswift

Photo from ig@taylorswift

4.「大家嘅觀點唔需要一致，但必須要尊重別人意見；不過見到別人散佈仇恨時，就要大膽指出來」

Taylor媽媽從少就教導佢唔好因爲別人嘅膚色或宗教信仰而指手劃腳，只需做好自己本分。大家觀點唔一致情況成日都會發生，即使有唔認同但都要必須尊重。不過當見到別人散佈仇恨意見時，就要大膽指出來令佢地反省～

Photo from ig@taylorswift

Photo from ig@taylorswift

Text：TopBeauty Editorial

Photo Source：Pinterest，instagram