59歲不科學身材！惠英紅憑《翠絲》再贏最佳女配角，兌現承諾上載養眼泳照，驚艷似模特兒！

By Michelle on 18 Mar 2019

Digital Editor

惠英紅琴晚憑電影《翠絲》獲得《第十三屆亞洲電影大獎》頒發「最佳女配角獎」，已經係第3次獲《亞洲電影大獎》頒發獎項，實力可以話毋庸置疑！其實早前惠英紅就講過，如果今年自己可以繼金馬獎後再下一城，就承諾會上載比堅尼相「派福利」，而佢今次真係無走數！惠英紅即晚就喺個人社交網站上載兩張泳照，你以為重口味？事實上網民紛紛大讚：「真女神！」更有網民話自己今年27歲，有一年健身習慣身材都不及惠英紅！

Photo from kara_waiyinghung ＠ ig

《第13屆亞洲電影大獎》於星期日晚舉行，嘉賓陣容非常鼎盛，雲集亞洲各地電影業界內重量級人物！香港電影代表就由惠英紅憑《翠絲》奪得最佳女配角，及《淪落人》導演陳小娟奪得最佳新導演獎！

惠英紅上台時感謝導演同每位演員對自己嘅信心，又話自己雖然獲獎經驗豐富，但仍然會感到緊張，又話唔會放鬆自己，會繼續努力！

Photo from kara_waiyinghung ＠ ig

搞笑嘅係惠英紅番到後台接受傳媒訪問時話：「慘啦﹗慘啦！我說過有獎就會在社交平台分享比堅尼相，要回家找一找。不能言而無信，講大話會甩大牙，我這年紀甩大牙好慘﹗」

Photo from kara_waiyinghung ＠ ig

事關早前惠英紅講過，如果再獲獎就會上載養眼比堅尼相，君子一諾值千金，惠英紅講得出做得到！佢即晚就上載泳照，留言話：「君子一言駟馬難追，話找數就找數」首先打頭炮嘅係身穿黑色泳照嘅大頭相，雖然只有終極大頭相，而歲月痕跡始終難敵相機高清鏡頭，但祟尚天然主義嘅惠英紅更無刻意PS修走瑕疵同細紋，效果反而更真實，呈現出濃濃女人韻味。