19歲被性侵，25歲患絕症！Lady Gaga戰勝坎坷人生，一年內拿下金球獎、格萊美、奧斯卡獎項～

By Aisa on 27 Feb 2019

女星Lady Gaga係唔少人心目中嘅Super Star，佢奇特又大膽嘅風格以及音樂才華，令佢喺觀眾心中留下無人能取代嘅形象。喺剛剛結束嘅奧斯卡入面，佢憑借電影《一個巨星的誕生》中嘅插曲《Shallow》取得佢人生中第一個奧斯卡成就。一年內拿下金球獎、格萊美、奧斯卡嘅歌手獎項。但人通常只會見到別人嘅風光，喺呢一切成就背後，其實有住一段艱辛過去。

Photo from Pinterest

Lady Gaga嘅經典作品有《Poker Face》、《Bad Romance》，都為佢取得唔少成就，亦令更多人留意到佢，仲有佢大膽又奇特嘅裝扮令人難以忘記。

Lady Gaga從小擁有非凡嘅天份，只可惜懷才不遇，整個高中生涯，都係喺欺凌同嘲笑聲中度過。大學時期係好多人心中嘅美好時光，但對Lady Gaga來講卻係黑暗時期。佢並唔係嗰種大眾接受嘅漂亮女生，所以喺充滿靚男靚女嘅藝術學院入面顯得好突兀，樣貌同身材成為咗佢被嘲笑嘅原因。但佢所擁有係內在嘅優秀條件，佢嘅才華令佢得到喺各種表演中擔當主演嘅機會，不過同學們卻唔理解佢到底憑咩野獲得老師嘅賞識。

Photo from Pinterest

唔單止同學打擊佢，就連 Lady Gaga 曾經嘅男友都同其他人一樣睇唔起佢～佢曾經同男朋友講過自己想成為流行音樂嘅巨星，但就成為咗男友喺分手後嘲笑佢嘅理由。

Photo from Pinterest

成功總要經過一翻磨練，一直未被注意到嘅佢，後來以為自己終於等到機會出唱片，但卻遭到行內有權有勢嘅人性侵犯，當時佢只好選擇默默吞下冤屈。

Photo from Pinterest

佢開始改變形象，嘗試各種大膽打扮。由嗰陣時起，佢先開始被人留意到。雖然佢嘅風格唔係大眾可以一下子接受到，但無人可以否認佢嘅才華。後來佢事業一直處於高位，但上天比佢嘅磨練一直未停止過。佢曾經被確診出遺傳性紅斑狼瘡，與死神共存，亦曾經同準備要結婚嘅男朋友分手，但佢從未一蹶不振。佢公開談論自己過去嘅遭遇，希望可以令更多人堅強起來：「我來告訴大家，總有一天你會有一個舞台，而傷害你的人只能看著你載歌載舞。」

Photo from Pinterest

而Lady Gaga經歷一切變化後，佢想對女人講：「有些女人選擇追隨男人，有些女人選擇追隨她們的夢想。如果你正在為這道選擇題發愁，那麼請記住：你的事業永遠不會在某個早晨醒來然後對你說他不再愛你了。」原來成功背後曾經有住如此辛酸過去，難怪佢喺領獎台上激動哽咽表示‌‌：「這是困難的工作，我努力了很長的時間！」