同學開批鬥群組，笑斥Lady Gaga「大鼻、沒才華」，推使她走上事業顛峰一雪前恥！

By Michelle on 07 Mar 2019

Digital Editor

女星Lady Gaga係唔少人心目中嘅超級巨星，佢奇特又大膽嘅風格以及音樂才華，令佢喺觀眾心中留下無人能取代嘅形象。喺剛剛結束嘅奧斯卡入面，佢憑電影《一個巨星的誕生》中嘅插曲《Shallow》取得佢人生中第一個奧斯卡成就。一年內拿下金球獎、格萊美、奧斯卡嘅歌手獎項。當大家只見到 Gaga 事業上嘅顛峰，鏡頭背後嘅super star卻歷盡鮮為人知嘅辛酸過去。

Photo from ladygaga @ ig

小時候，當同齡女生都喜歡迪士尼公主、洋娃娃公仔，Gaga已經係一名「個性小孩」，暗黑系穿搭係佢至愛，偏偏因為太奇特，金髮大眼可人兒並無得到朋友們嘅愛戴，反而受盡朋輩白眼。大家都覺得非主流嘅 Gaga係一個怪胎。

成個高中生涯都係喺欺凌同嘲笑聲中度過。大學時期係好多人心中嘅美好時光，但對Lady Gaga來講卻係黑暗時期。渾身「獨特氣質」令佢成為眾人笑柄，於藝術學院中，Gaga變成異類，難以融入同齡朋友圈子，需要過著孤獨而又無人明白嘅生活，更終日飽受同學嘲笑。一切辛酸，成為Gaga變強大、成功嘅推動力。

Photo from from Pinterest

Lady Gaga 曾經講過，自己讀高中時，當人哋過住青蔥歲月花樣年華嘅日子，自己就每日都受欺凌折磨—佢更試過被幾個男生抱起，丟入垃圾桶，令佢尷尬又狼狽。

Photo from from Pinterest

脫離咗高中壞同學嘅魔掌，上到紐約大學後展開新生活，又因為才華太過耀眼令老師當佢係新寵兒，畀各種機會係參與不同演出，惹來同儕不滿，對Gaga嘅起戒心，更由嫉妒變成憎恨。

Photo from from Pinterest

同學們由最初嘅睇唔順眼，發展到人身攻擊。有人於facebook上開咗一個專為Gaga而設立嘅「批鬥群組」— “Stefani Germanotta（Lady Gaga本名）, you will never be famous（你永遠都唔會成功）”唔單止同學打擊佢，就連 Lady Gaga 大學結識嘅前男友都同其他人一樣睇唔起佢～當Lady Gaga透露自己想成為流行音樂巨星時，對方卻潑佢一頭冷水，睇死佢唔會成功。

Photo from from FB「

一直未被人注意嘅佢，就從來無停止過奮鬥。Lady Gaga其後唔單止退學到處去賣唱，更做侍應賺錢，希望可以儲一筆錢為自己舖音樂路，19歲當以為自己有機會出唱片時，卻遭到行內有權有勢嘅人性侵犯，當時佢只好選擇默默吞下冤屈，亦因此留下一世都唔可以磨滅嘅陰影。

Photo from ladygaga @ ig

之後佢開始改變形象，嘗試各種大膽打扮。大家仲記得《Poker Face》入面嘅經典金髮齊瀏海造型嗎？你可能會覺得佢風格古怪，但諷刺嘅係由決定行古怪風一刻，Gaga先開始被人留意佢嘅音樂才華。後來佢事業一直處於高位，但上天比佢嘅磨練一直未停止過。佢曾經被確診出遺傳性紅斑狼瘡，與死神共存，亦曾經同準備要結婚嘅男朋友分手，但佢從未一蹶不振。佢公開談論自己過去嘅遭遇，希望可以令更多人堅強起來：「我來告訴大家，總有一天你會有一個舞台，而傷害你的人只能看著你載歌載舞。」

Photo from from Pinterest

“Ignore all hatred and criticism. Live for what you create, and die protecting it.”
「把憎恨和批評拋在腦後，只要為你創造的事物而活，為保護它而死。」

Photo from from Pinterest