《一個巨星的誕生》譜出相遇相知與道別分離的戀歌，Lady Gaga演活角色靈魂，淚吻男主角：「沒有你就沒有我。」
音樂電影《一個巨星的誕生》（A Star Is Born）改編自1973年同名電影，故事已經係第三次翻拍，導演兼男主角布萊德利庫柏（Bradley Cooper）搵咗一向作風狂野大膽嘅Lady Gaga做拍檔，跟前作編劇同導演改寫一個全新嘅劇本。預告一出，已經迷倒唔少人，現正熱映中嘅《一個巨星的誕生》現時喺影評網站IMDb上更有8.3 嘅高分，有唔少人都表示：聽Gaga一開金口，已經感動到爆喊！
電影《一個巨星的誕生》講述鄉村歌手Jackson（Bradley Cooper 飾演），喺一次偶然於酒吧發現一位對歌唱好有天份嘅素人Ally （Lady Gaga 飾演），Ally 雖然才華洋溢，但對自己外表極無自信（小編心想：跟現實落差真係天與地嘅分別）Jack說服Ally 進入演藝圈，而本來已經放棄追夢嘅Ally ，因為Jack嘅出現，重燃佢對歌唱嘅熱誠，而且兩個人仲一拍即合，更因為同樣流住有音樂細胞嘅血脈，相知相愛，譜出情歌。
喺Jack嘅鼓勵下，Ally 勇敢喺舞台上演唱自己嘅創作，但走紅後，開始出現女尊男卑嘅問題，眼前一個親手捧紅嘅巨星係自己嘅摯愛，而一個巨星嘅誕生，同樣意味住另一個巨星殞落......Jack克服唔到心魔，加上嚴重酗酒問題，種種因素令呢對戀人關係出現問題，至於愛情何去何從，就留待有興趣嘅觀眾自己去感受了～
Photo from ladygaga ＠ ig
有睇開荷理活喜劇嘅人，一定對Bradley Cooper唔陌生，成名作有《醉爆伴郎團》，造型又型又有佬味；今次化成鄉村歌手Jack，由喜劇演員突破成為歌手，演技大爆發成為全球熱話。
而Lady Gaga喺電影入面充滿爆發力嘅歌喉都驚豔全球，兩個人今次合作可以話係驚喜萬分！
Lady Gaga一向作風狂野，去到邊都係鎂光燈嘅焦點對象。今次飾演無自信嘅Ally ，身兼導演嘅Bradley Cooper一開始就要求「必須將Lady Gaga趕出身體」，並且要以Ally嘅身份為電影作曲。
Photo from ladygaga ＠ ig
Gaga第一次Bradley Cooper見面時，就被要求落妝，Bradley Cooper跟Gaga解釋：「電影入面嘅Ally唔需要任何誇張嘅髮飾跟華麗衣服，唇膏、眼影都唔需要，呈現最真實嘅妳就ok。」
Photo from ladygaga ＠ ig
而Lady Gaga喺角色試鏡當日，原先製片們都唔睇好Gaga，然而製片們嘅猶豫，就成了Gaga最強大嘅動力，Gaga表示：「我會證明Bradley Cooper選擇我係正確的！」
Gaga喺試鏡時，回憶起當自己仍然係學生嘅時候，就諗起自己都曾經經歷過女角色Ally嘅遭遇，Gaga表示，年輕時曾被告知「妳有非常好嘅聲音，但係外型不符合美女嘅標準。」所以當Gaga讀完《一個巨星的誕生》嘅劇本後，深深認為：「我知道係導演畀機會我，讓我證明自己。」
因此，一向有鮮明作風帶點我行我訴嘅Lady Gaga，徹底放棄原本嘅個人形象，將真實嘅自己交畀Bradley Cooper，都將自己嘅命運跟Ally連成一體。
Bradley Cooper都表明：「我要求Gaga 唔可以喺Ally角色中有任何 “Lady Gaga” 嘅影子，我需要真實內心嘅痛苦同掙扎等情感流露，果然，佢做到了。」
Photo from cierel @ ig
Bradley Cooper同Lady Gaga 日前就出席英國電視節目《The Graham Norton Show》，當主持人問Bradley Cooper花咗幾多的工夫說服Lady Gaga演出呢部電影，Lady Gaga分享：「佢唔需要大花唇舌我就應承佢會接拍電影了。當時佢到訪我屋企，我哋傾得好開心，我哋同樣有意大利血統，我翻熱咗少少食剩嘅意粉一起食，又傾到去生活屋企人，然後佢話畀我知，想要兩個人合唱一首歌。」
Lady Gaga：「Bradley Cooper當時想唱Creedence Clearwater Revival嘅歌曲《Midnight Special》，我就喺旁用鋼琴幫佢伴奏，當佢一開口，我已經被他震懾住，佢嘅歌聲源發自靈魂、發自肺腑，而且充滿故事性。佢對音樂嘅熱愛同對呢部電影嘅熱情都深深打動咗我。」
Photo from ladygaga ＠ ig
無誇張頭飾；無華衣美服；無烈焰紅唇；無閃耀眼妝嘅Lady Gaga，相信你只會喺《一個巨星的誕生》中睇到。電影殺青後，Gaga已經染回一頭金髮，跟Ally道別。但Gaga還是表示：「即使我將頭髮染回金色，但Ally仍然會住於我心底深處，永不消失。」」Lady Gaga喺倫敦首映會上，於紅毯上深情親吻導演兼男主角Bradley Cooper。今次嘅合作真係唔單止驚喜，仲好催淚，絕對推薦大家去睇《一個巨星的誕生》！
在 Instagram 查看這則貼文
Text：Girlslike Editorial
Photo source：instagram，youtube
